Мектебдиз яд тухвана

Докъузпара райондин Къаракуьре хуьруьн мектебда хъвадай ерилу цин патахъай фадлай дарвал авай. Гьатта михьивилер авунин карда ишлемишдай яд авачир вахтарни хьана.

И мукьвара мектебдин директор Эдуард Гьажибе­гова кьил кутуналди, мектебдин мулкуниз кьилдин тур­­бада аваз, 1,3 километрдин мен­зилдай — тепейрайни четин чкайрай, пуд юкъуз зегьмет чIугуна, яд гъунин серенжем кьиле тухвана.

Хъвадай яд гъунин проект гьазурунин карда чкадин инженер Аладин Аладинова куьмек гана. Хуьруьн администрациядин кьил Гьасанбег Балабегова куьлуь-шуьлуь материалрин жигьетдай куьмекна. Умуми карда хушуналди зегьмет чIугурбурун жергеда Абдул Гьабибов, Ниракидин Залов, Бейбала Шамурханов, Гуьлали Шамурханов, Велихан Исмиханов, Арсен Митеев ва масабур ава. Мектебдин завхоз Зейнулагь Магамаевани, техперсоналдин кьиле акъвазна, са гьафтеда зегьмет чlугуна.

Къенин юкъуз мектебдин кьве дараматни хъвадай целди ­таъмин я. Кар кьилиз акъудун патал куьмек гайи райондин соб­ранидин депутатрин председатель А.Абасоваз, муниципальный райондин кьилин везифаяр вахтуналди тамамарзавай А.Агьмедоваз, гьакIни булах гъунин карда иштиракай вирибуруз мектебдин директорди сагърай лугьузва.

Лезги Фетгьуьллагь


Всего просмотров: 59

Читайте также: