Мегьарамдхуьруьн райондин хуьрерин паркар аваданлу ийида

“Сад тир Россия” партиядин теклифдалди кардик кутунвай  “Шегьердин къулай шартIар арадал гъун” кар алай  проект уьмуьр­диз куьчуьрмишунин сергьятра аваз, Мегьарамдхуьруьн районда жемятди ял ядай пуд чка — Къуюстан, Оружба ва Ярагъ-Къазмаяр хуьрерин паркар аваданламишда. Къведай йисуз прог­раммадик мадни гзаф  хуьрер кутадайвал я, хабар гузва Мегьарамдхуьруьн райондин  администрациядин пресс-къуллугъди.

Алай аямдин къулай шартIар арадал гъун — им хуьрерин чкай­­ра къулай, хатасуз ва тIем акакьдай шартIар тешкилунихъ  элкъуьрнавай  серенжемрин са жерге я. Программа уьмуьрдиз куьчуьрмишунин нетижада мулкар аваданламишунин серенжемар, бедендин набутвал себеб яз, гзаф къекъвен тийизвай агьа­лияр патал тIем акакьдай къулайвилер арадал гъун фикирда аваз тамамарзава. Программа кьилиз акъудуналди, туькIуьрза­вай, тадаракламишзавай  общественный мулкара-паркара  вири агьалийривай ял ягъиз жедайвал къулайвилер арадал гъида. Хкянавай чкайра яхдиз къекъведайбур патал  цIийи  рекьер, аялар къугъвадай  майданар, фонтанар  туькIуьрда, экв гудай лампаяр­, куьсрияр, зирзибил вегьедай къапар эцигда,цуьквер, набататар цада, безетмишда ва икI мад.

КутIуннавай  икьраррал асаслу яз, федеральный ва республикадин бюджетрай  шегьеррин округрин муниципальный программайриз алай аямдин шегьердин къулай шартIар арадал гъунин карда куьмек гун фикирда кьунва. Идалайни гъейри, прог­раммадиз чкадин муниципалитетдин бюджетдайни такьатар чара ийидайвал я.

“Федеральный и программа себеб яз, чаз  гьаятар ва райондин общественный чкаяр къайдадиз хкидай мумкинвал хьанва. Нетижада элкъуьрна кьунвай тIебиат авай гьал  ва агьалийрин сагъламвал хъсан патахъ дегиш хьун, жемятди ял ягъун патал къулайвилер арадал атун лазим я”, — къейдзава райондин кьил Фарид Агьмедова.

Чи мухбир


Всего просмотров: 27

Читайте также: