Мегьарамдхуьруьн районда Муаллимрин югъ къейдна

5-октябрдиз Мегьарамдхуьруьн районда Муаллимрин йикъаз талукь шад мярекат кьиле фена. Идакай «Лезги газетдиз» райадминистрациядин пресс-къуллугъди хабар гузва.

Ярагъ-Къазмайрин мектебдин гегьенш ва гуьрчег актовый залда мугьманар, райондин мектебрин руководителар, райондин лап хъсан муаллимар, муаллимар-ветеранар, жегьил пешекарар ва масабур кlватl хьанвай.

Мярекатда райондин кьил Фарид Агьмедова, райондин депутатрин Собранидин председатель Назир Алиярова ва райадминистрациядин жавабдар къуллугъчийри иштиракна.

Ф.Агьмедова муаллимриз пешекарвилин сувар тебрикна, муаллимрихъ агалкьунар хьана кlанзавай келимаяр лагьана. Ада къейд авурвал, районда образованидин месэла виридалайни кар алайди яз гьисабзава ва и хилез кьетlен фикирни гузва.

Тебрикдин гафарилай кьулухъ Ф.Агьмедова райондин сергьятра образованидин хиле кlвалахзавай лап хъсан работникрив шад гьалара наградаяр вахкана.

Къейд ийин, шад мярекатдин сергьятра аваз эхиримжи вахтара образованидин жигьетдай районда хьанвай агалкьунар, цlийивилер рикlел хкана.

«Лезги газет»


Всего просмотров: 18

Читайте также: