Медениятдин маканра

“Алай аямдин художникрин яратмишунар” — гьа ихьтин лишандик кваз и мукьвара Дербентдин “Нарын-къеледа” Россиядин жуьреба-жуьре шегьеррин художникрин яратмишунрин выставка ачухнава ва ам хейлин йи­къара давам жеда.

Выставка шад гьалара ачухдайла мярекатдал шегьердин администрациядин кьилин заместитель Видади Зейналов, Дербентдин  музей-заповедникдин директор Али Ибрагьимов, республикадин общественный палатадин член Шуми Шабатаев рахана ва абуру  мярекат тешкилунай музей-заповедникдин художник Мелик-Мамед Агъабалаеваз  гзаф сагърай лагьана.

Са алава: Россиядин са жерге маса шегьеррин векилар тир художникрин яратмишунрин арада Дербентдай тир художникар: Лира Рамазановадин ва Овадья Исакован шикилрини лайихлу чка кьазва.

Пятигорскда выставка

Дербентви бажарагълу лезги художник Мелик-Мамед Агъа­балаеван яратмишунрихъ галаз и мукьвара Ставрополдин крайдин Пятигорск шегьердин агьалиярни таниш хьана. Шегьердин М.Ю.Лермонтован тIва­рунихъ га­лай музей-заповедникда ачухай санай-саниз тухудай выставкадиз атай пятигорсквийри ва шегьерда ял язавайбуру чи бажарагълу ватанэгьлидин шикилриз чIехи къимет гана.

Музейдин директор Ирина Сафаровади и мярекат теш­килунай Мелик-Мамед Агъа­балаеван тIварцIихъ хуш гафар лагьана ва мукьвара Пятигорск  шегьердин художникрин яратмишунрин выставка Дербент­дани кьиле тухудайди малу­марна.

Нариман Къарибов


Всего просмотров: 25

Читайте также: