Медалар гваз хтана

“Лезги газетди” гьеле хабар гайивал, са варзни зур кьван инлай вилик Дербентда мугьманвиле хьайи вахтунда Израилдин Хадерадин мэр Натан Ливиева и шегьерда дзюдодай жаванрин арада международный турнир кьиле тухудайдакай хабар ганай ва ана иштиракун патал Хаде­радихъ галаз стха шегьер тир къадим Дербентдин спортсменризни теклифнай.

И мукьвара а турнир кьиле фена. Чкадин дзюдоистрихъ галаз санал ана Финляндиядай, Латвиядай, Польшадай, Гуржистандай ва са жер­ге маса уьлквейрай атанвай 1115-дав агакьна спортсменри иштиракна. Кесерлу и акъажунра, Дагъустандин хкянавай команда яз, Дербент­дин жаван дзюдоистри, лап виниз тир устадвал къалуруналди, турнирда кIвенкIвечи чка кьуна. Командадик  квай М.Гьуьсейнова, Гь.Ба­гъи­рова, А.Салманова — къизилдин, Р.Магьарамова, Р.Кучубегова, Ф.Салимова — гимишдин, М.Саи­дова, У.Куругълиева буьруьнждин медалар къазанмишна. Аферин!

Бакуда гъалиб хьана

Мукьвара Дербентдай тир жаван фут­бо­листри, чпин тренерар хьиз, шегьердин агьа­лиярни нубатдин сеферда шадарна. Азер­байжан республикадин меркез Бакуда футболдай олимпийский резервдин ДЮСШ-да кьиле тухвай международный акъажунра иштиракай Дербентдин аялринни жаванрин (2008-2010-йисара дидедиз хьанвай) кьве командадини хайи шегьердиз 1-чкаяр кьунай ганвай ме­да­лар, кубокар, дипломар ва грамо­таяр хкана.

Чна абуруз и агалкьунар мубаракзава.

Нариман  Къарибов


Всего просмотров: 70
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире