Махачкъалада лезги чIалай олимпиада кьиле фида

Гьар йисуз, дидед чIалан Международный йикъаз талукьар­на, Дагъустанда жуьреба-жуьре мярекатар кьиле физва. “Лезги газетдин” редакцияни и кардивай къерех жезвач. 2018-йисалай гатIунна, чна мектебра кIелзавай аялрин арада лезги чIалай олимпиадаяр тешкилзава. РикIел хкин, сад лагьай олимпиада Кьурагь райондин КIирийрин хуьре Игит Зейнудин Батманован тIварунихъ галай мектеб-интернатда кьиле тухванай.

Газетдин редколлегиядин къарардалди, шегьердин чкайра милли чIа­ла­риз гузвай фикир артухарунин мураддалди, 2019-йисалай олимпиада Махачкъала шегьерда тешкилзава. Шаз и мярекат республикадин меркездин 59-нумрадин мектебда тухванай. ЦIи 61-нумрадин юкьван мектебда тешкилдайвал я.

Олимпиадада Махачкъала ва Каспийск шегьеррин мектебра 6-классра кIелзавай аялри иштиракда. Сифтегьан пуд чка кьурбуруз 5,3,2 агъзур манатдин кьадарда аваз пулдин премияр, дипломар ва савкьатар яз ктабар гуда.

Редколлегия


Всего просмотров: 142
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире