“Легьзе”

ЦIийи ктабар

Алатай йисуз Сулейман-Стальский районди 90 йисан юбилей къейдна. Шаир ва муаллим Абдул Ашурагъаева “Куьредин ярар” чапханада и райондиз ва камалэгьли шаир СтIал Сулейманаз бахшнавай эсеррикай ибарат кьелечI ктаб чапдай акъудна. Ана шиирар, поэма ва макъалаяр гьатнава. Абдул Ашурагъаев Дагъустандин лайихлу муаллим, РФ-дин умуми образованидин сейли къуллугъчи, Мегьамед Гьажиеван тIвару­нихъ галай премиядин сагьиб я. Ада Хив райондин Фиригърин мектебда хайи чIаланни эдебиятдин тарсар гуз гзаф йисар я. Муаллимди яратмишунрал ая­ларни желбзава. Нетижада алатай йисуз аял­рин яратмишунрикай ибарат “Сифте камар” тIвар алай кIва­тIални арадал атана.

ЦIийи ктабдин чIехи пай “Легьзе” поэмади кьунва. Ам арифдар СтIал Сулейманан кьисметдикай, уьмуьрда адан кьилел атай дуьшуьшрикай кхьенвай са шумуд паюникай иба­рат я. Къуй автордихъ яратмишунра мадни агалкьунар хьурай!

Чи мухбир


Всего просмотров: 50
Подпишитесь на наши каналы:

Читайте также:


Новости партнеров