Лап хъсан муаллимрин жергеда

6-7-мартдиз Дагъустандин образование вилик тухунин институтда «Ингилис чlалан лап хъсан муаллим» конкурс кьиле фена. Пуд паюникай ибарат яз кьиле фейи конкурсда республикадин образованидин идарайра кlвалахзавай 53 муаллимди, гьа жергедай яз Докъузпара райондин Мискискарин хуьруьн юкьван мектебдин муаллим Видади Эрзиманович Амраховани иштиракна.

Сад лагьай паюна гзаф кьадарда баллар къачур 10 муаллимди кьвед лагьай паюнани иштиракна. Бес кьадарда баллар къачур Видади муаллимдини и паюна иштиракна ва лап хъсан муаллимрин жергеда адан тlвар ругуд лагьай чкадал хьана.

Республикадин лап хъсан цlуд муаллимдин жергеда хьун дамах ийиз жедай кар я. Къуй адахъ регьят тушир кlвалахда мадни чlехи агалкьунар хьурай!

К.Къалажухви

 


Всего просмотров: 92

Читайте также: