Куьруь жавабар хкуднава

ГИА-дин ва ВПР-дин тапшуругъри школаяр акьалтIарзавай аялриз чпин яратмишунрин рекьяй бажарагъ ачухардай мумкинвал гузва.  Рособрнадзорди урус чIалай ва маса тарсарай  нетижаяр кьадай имтигьандин материалра са жаваб хкядай  тапшуругърикай тамамдаказ отказнава, хабар гузва идарадин пресс-къуллугъди.

Рособрнадзордин кьил Сергей Кравцован гафаралди,  алай вахтунда  вири тарсарай госэкзаменрин  къурулушда  “веревирдер ийиз, жуван фикир кьил-кьилеллаз малумариз ва ам, урус литературадин чIалан къайдайрикай менфят къачуна, делилламишна субутариз алакьуниз” ди­къет гузва. Идалай вилик литературадай ГИА-дин тапшуругърикай куьруь жаваб гун истемишзавайбур вири хкудун пландик кутунвайдакай хабар ганай.

Сергей Кравцован гафаралди, Рособрнадзорди  школаяр акьалтIарзавай аялрин чирвилерин дережадиз гьахълу къимет гуз алакьдай къайда туькIуьруниз еке фикир гузва. Гила 4-7-классра урус чIалай гьар йисуз  вирироссиядин ахтармишунин кIвалахар, 9-классда — государстводин нетижаяр кьунин аттестация, 11-классда нетижаяр кьадай сочинение ва урус чIалайни литературадай ЕГЭ  тухузва.

Чи мухбир


Всего просмотров: 64

Читайте также: