Куьрелди

Мукьвара Сочида кьиле фейи азаддиз кьуршахар кьунай Урусатдин чемпионатда чи ватанэгьли Рамазан Ферзалиев гимишдин медалдиз лайихлу хьана. Финалдин бягьсина ам дагъустанви Мегьамедрасул Идрисовахъ галаз гуьруьшмиш хьана. Бягьс 6:4 гьисабдалди Идрисован хийир­диз акьалтIна.

Ери-бине Сулейман-Стальский райондай тир Аслан Къурбанова дзюдодай СКФО-дин чемпионатда пуд лагьай чка кьуна.

Къариб Ашуралиева мукьвара азаддиз кьуршахар кьунай ветеранрин арада тешкилай Урусатдин чемпионатда гъалибвал къачуна. Гила викIегь ахцегьвидикай 6 сеферда Урусатдин чемпион хьанва.

“Lezgisport.ru” сайтди хабар гузвайвал, машгьур спортсмен Даурен Куругълиева августдин вацра Варшавада кьиле фидай международный турнирдиз гьазурвилер аквазва. Циолковскийдин экуь къамат ри­кIел хкуниз бахшнавай и акъажунра гъалиб хьайибуруз дуьньядин чемпионатда иштиракдай мумкинвал жеда.

16-августдиз ери-бине Кьурагьай тир Жабар  Аскерова  Бангкок шегьерда француз Сами Санахъ галаз ярумчух финалда бягьс кьиле тухуда. Акъажунар “ONE Championship” турнирдин сергьятра аваз тешкилзава. Къейд ийин хьи, турнирдин гъалибчи 1 миллион доллардин кьадарда авай гран-придин сагьиб жеда.

Агьмед Магьмудов


Всего просмотров: 123

Читайте также: