Кьурагьа рушарин волейболдай турнир кьиле фена

Рушарин волейбол машгьур авунин ва жегьил спортсменрин устадвал хкажунин макьсаддалди 13-апрелдиз Кьурагь райондин Кьепlиррин хуьре нубатдин сеферда волейболдай турнир кьиле фена. Рушарин дестейрин арада кьиле фейи турнир Кьепlиррин мектебдин муаллим Айдин Шихрагьимов рикlел хкуниз талукьарнавай.

Эхиримжи 3-4 вацра хкягъай спортсменкайрикай ибарат тир райондин дестеди республикада волейболдай кьиле фейи гзаф акъажунра гъалибвилер ва приздин чкаяр къазанмишнай.

Малумарзавайвал, волейбол къугъвазвай рушарин устадвал, алатай йисав гекъигайла, аквадайвал хкаж хьанва. Нубатдин турнирдин финалда Кlирийрин ва Кьурагьрин мектебра кlелзавай рушарин дестеяр къугъвана. Нетижада Кьурагьрин мектебдин «Лидер» дестеди 2:0 гьисабдалди гъалибвал къазанмишна. Кьвед лагьай чка Кlирийрин мектебдин дестедиз ва пуд лагьай чка Кьепlиррин мектебдин дестедиз хьана. гъалиб хьайи дестедиз кубок, медалар, грамотаяр ва къиметлу пишкешар гана. Муькуь дестеярни медалралди, грамотайралди ва къиметлу пишкешралди къейдна.

«Лезги газет»

 


Всего просмотров: 10

Читайте также: