Кьурагьа налогрин месэлаяр веревирдна

И йикъара «Кьурагь район» МР-дин кьилин кабинетда налогар кlватlунин гьакъиндай совещание кьиле фена. Ана райадминистрациядин жавабдар ксари, налогрин къуллугъдин работникри, хуьрерин администрацийрин секретарри иштиракна. И гьакъиндай «Лезги газетдиз» райадминистрациядин пресс-къуллугъди хабар гузва.

Совещание райондин кьил Замир Азизова ачухна ва 24-октябрдилай инихъ налогрин гьакъиндай кьиле тухвай кlвалахрай секретарриз чухсагъул малумарна.

Хуьрерин секретарри малумарайвал, налогар гун тийизвайбурун тlварар къалурнавай сиягьар общественный чкайра раижуникди гьалар хъсанвилихъ фена. Къейдзавайвал, транспортдин налог квачиз, амай налогар кlватlунин гьалар гьелелиг разивал ийиз жедайбур я.

Совещанидал райондин кьилин заместитель М.Хариева къейд авурвал, РФ-дин налогрин кодексдин 407-статьядал асаслу яз, эменнидин налогдин жигьетдай 15 категориядин агьалийриз кьезилвилер (льгота) ава. Иник пенсионерар, набутар, «чернобылвияр» ва масабур акатзава.

Налогар кlватlунин гьалар хъсанарунин жигьетдай райондин ОГИБДД-дин начальник Р.Мусаев, экономикадинни эменнидин отделдин пешекар Н.Гьадисов ва масабур рахана.

«Лезги газет»  


Всего просмотров: 29

Читайте также: