Кьурагьа мини-футболдай турнир кьиле фена

12-майдиз Кьурагь районда Гъалибвилин йикъаз талукьарна мини-футболдай райондин жегьилрин арада кьиле фейи турнирда «Кьурагь» команда гъалиб хьана.

«Кьурагь район» МР-дин кьил Замир Азизован призар къачун патал тешкилай турнирдик кьил кутурбур райондин ФС-дин ва ДМ-дин отделар я.

Къейд ийин, Кьурагь районда гьар йисуз кьиле физвай и турнирдин макьсадар районда мини-футбол вилик тухун, жегьилар сагълам уьмуьр кьиле тухунал желбун ва райондин жегьилрин арада дуствилин алакъаяр мягькемарун я.

Гъалибвал къачун патал райондин жуьреба-жуьре хуьрерай 11 командади иштиракна.

Къугъунрин нетижада «Кьурагь» командади гъалибвал къачуна. Кьвед лагьай чкани Кьурагь хуьруьн «Кьаружар» командадиз, пуд лагьай чка «Кьепlир» командадиз ва кьуд лагьай чка «Аладаш» командадиз хьана.

Гъалиб хьайи командадиз кубок, медалар, грамотаяр, пулдин пишкешар ва «Торнадо» футболдин формаяр гана.

Эхирдай тешкилатчийри къейд авурвал, и жуьредин мярекатар гележегдани давамарда.

«Лезги газет»


Всего просмотров: 18

Читайте также: