Къуншийрихъ галаз хуш алакъаяр

И макъаладин сад лагьай пай сайтда и ссылкадай кIелиз жеда.

(Эхир. Эвел — 5-нумрада)

Са сеферда Ибн Умара хеб тукIвазвай, адан хцини ам алажзавай. Инал табиинрикай тир Муджагьид алаз хьана. Ада са шу­муд сеферда вичин хциз тикрарна: “Куьтягь хьанмазди, чувуд­ къуншидиз са тике як твах”. “Заз ван хьана, буба. Вуна и га­фар ву­чиз мукьвал-мукьвал тикрарзава?”, — хабар кьуна хци. Адаз Ибн Умара икI лагьана: “Я хва, Мугьаммад Пайгъамбарди  хъсан къуншивал веси ийиз акурла, зун зи къуншийрикай варисар­ ийиз гьазур я”. Къунши гишила аваз, жув тухарзавай кас чи Пайгъамбарди  гьакъикъи динэгьлидай кьазвач. Ибн Зубаира Му­гьаммад Пай­гъамбардивай ван хьайи гафар ахъайна: “Къунши гишила авай чIавуз тухди Аллагьдихъ инанмиш кас туш”.

Гьажи  Къурбан  РАМАЗАНОВ,  ДУМД-дин Кьиб­лепатан Дагъустанда авай просвещенидин хилен ­векил, Дербент райондин мискIиндин имам.  —  Аллагьдин Пайгъамбарди  Абу Зараз лагьана: “Я Абу Зар, вуна як ргадай чIавуз яд гзаф ягъа ва адакай ­къуншидизни  це.  Къуншидиз  зиян  гун  дин  зайифаруниз авудзавай гунагь я”. Аллагьдин Пайгъамбарди къейд­на: “Аллагьдал кьин хьуй, инанмиш кас туш. Ал­лагьдал кьин хьуй, инанмиш кас туш. Аллагьдал кьин хьуй, инанмиш кас туш”. “Я Аллагьдин Пайгъамбар , ам вуж я? — лагьана хабар кьурла, ада икI жаваб  гана: “Вичикай  къуншийриз  хаталувал  авай  кас”.

Гьажи  Салягь  САЛЯГЬОВ, Калукрин хуьруьн жуьмя мискIиндин имам. — Яргъал алай стхадилай мукьув гвай къунши хъсан я. Къуншидиз къуншидихъ галаз хъел жедай, адал пехилвалдай, фитне ийидай, ам маса гудай, адан малдикай чуьнуьхдай ихтияр авач. Ахьтин крариз рехъ гузвайди Аллагьдин лянетдик квай кас я. Чун пис къилихрин къуншидихъ галазни хъсан алакъаяр хуьз чалишмиш хьана кIанда.

Аллагьди чаз диндал мягькемдаказ акъвазиз, Мугьаммад Пайгъамбардин  насигьатрал амал ийиз, къуншидал­ атайла, сабурлу жез куьмек гурай. Амин!

“Лезги газетда” диндин пак кхьинар жезва. Гьавиляй ам чиркин чкайрал гадарун къадагъа я.

Рагьидин Эминов


Всего просмотров: 21

Читайте также: