Куьмек гана

Са кьадар вахт идалай вилик Дербентдин агьалияр тир Зумрият Гьамзатовади ва Энвер Абдуллаева шегьердин кьил Хизри Абакаровавай чпиз яшайишдин кIвалер къачунин карда куьмек гун тIалабнай. Мукьвара Дербентдин мэр абурухъ галаз гуьруьшмиш хьана ва мергьяматлувилин фондунин такьатрихъ абуруз кIвалер маса къачузвайдакай хабар гана.

“Лезги газетдиз” шегьердин администрациядин пресс-къуллугъди хабар гайивал, Энвер Абдуллаеван хизанда ирид кас ава. 1976-йисуз ам яшайишдин кIвалер къачунин нубатда акъваз­на. 1986-йисуз ам набут аялар чIехи жезвай хизанрин сиягьдик кутуна. Къанундал асаслу яз, ихьтин хизандиз кIвалер са нубатни авачиз чара авун лазим тир. 2009-йисуз суддин къарардалди Дербент шегьердин администрация Э.Абдуллаеваз яшайишдин кIвалер чара авуниз мажбурна. 2014-йисуз администрацияди суддин къарардин са пай кьилиз акъудна. Энвер Абдуллаеван хизандиз цIийи кIвалер маса къачуз куьмек гуналди, Хизри Абакарова суддин къарар тамамдиз кьилиз акъудна.

Зумрият Гьамзатовадин хизандани набут аял чIехи жезва. Амни кIвалер къачунин нубатда акъвазна саки 18 йис тир.

«Лезги газет»


Всего просмотров: 51

Читайте также: