Къулай рекьер

2018 ва 2019-йисара Дагъустан Республикади хуьруьн майи­шатдин техника лизингдин куьмекдалди маса къачун патал  са шумуд виш миллион манат рекье туна. РД-дин хуьруьн майишат­дин ва недай суьрсетдин министерстводи “Дагагроснаб” АО-дин руководитель Чамсутин Мутаеван гафарал асаслу яз  хабар­ гайивал, 2018-йисуз  чара авур 100 миллион манатдихъ  компанияди  республикадин лежбервилин хилен зегьметчияр патал,  санлай къачурла, 230 миллион манатдин къимет авай  хуьруьн майишатдин техника маса къачуна.

Ч.Мутаеван гафаралди, эхиримжи  20 йисан вахтунда сифте сефер яз 11 комбайн къачунва. Гьа са вахтунда хуьруьн майишатдин техника маса къачун патал субсидияр яз алай йисуз алава тир  21,6 миллион манат  рекье тунва.

“Чна, миянардай шейэр, хуьруьн майишатдин техника  маса къачуниз ва маса серенжемриз такьатар серф авуналди, виниз тир бегьерар къачудай кIвалахар кьиле тухун лазим я. “Дагагроснаб” АО-дин хсуси такьатар артухаруни лежбервилин хиле кIвалахзавай зегьметчийриз  техника маса къачудай авайдалай къулай  рекьер теклифдай мумкинвал гуда”, — малумарна месэладиз талукь яз РД-дин хуьруьн майишатдин ва недай суьрсетдин министр Абзагьир Гьуьсейнова.

«Лезги газет»


Всего просмотров: 26

Читайте также: