Конкурс тухвана

Ахцегь райондин жуьмя мискIинда Гьажи Абдурагьман эфендидин тIварунихъ галай медреса кардик кваз са кьадар йисар я. Ина школайра кIелзавай аялриз, жегьилриз, гьакI Кьуръан кIелиз ва араб чIалал кхьиз чириз кIанзавай­бурузни чирвилер гузва. Муаллимар яз жуьмя мискIиндин имамдин заместитель гьажи Ширинбег Мирзоева, гьажи Мугьаммад Эмирбегова зегьмет чIугвазва.

И мукьвара мед­ресада чирвилер къачузвай аялрин арада Кьуръандай сураяр кIелунин номинацийрай конкурс кьиле тухвана.

Конкурсдин жюридик райондин хуьрерин имамрин советдин председатель, жуьмя мискIидин имам гьажи Абдулгьашум Абдулгьашумов, адан заместитель, муаллим гьажи Ширин­бег Мирзоев ва муаллим гьажи Мугьаммад Эмирбегов квай. Конкурсдин спонсорвални жуьмя мискIиндин имам гьажи Абдулгьашум Абдулгьашумова авуна.

Рагьидин Эминов


Всего просмотров: 40

Читайте также: