КIвенкIвечивилин акъажунар

И мукьвара Мегьарамдхуьруьн районда, Советрин Союздин Игит Абас Исрафилован тIварунихъ галай ДЮСШ-да, азаддиз кьуршахар кьунай 2002-2005-йисара дидедиз хьайи жаван пагьливанрин арада Дагъустандин кIвенкIвечивал патал зонадин акъажунар кьиле фена. Идакай «Лезги газетдиз» Мегьарамдхуьруьн райондин администрациядин пресс-къуллугъди хабар гузва.

«Жегьилар наркотикриз акси я» лишандик кваз кьиле фейи спортдин мярекатда Дагъустандин кьиблепатан районрин спортсменри иштиракна.

Акъажунрин нетижада Мегьарамдхуьруьн райондин 7 спортсмендихъ агалкьунар хьана. Абурун жергеда гъалиб хьайибурни, хъсан якаяр кьурбурни ава. Зонадин акъажунра гъалиб хьайи спортсменри турнирдин республикадин паюна иштиракда.

«Лезги газет»  


Всего просмотров: 21

Читайте также: