КIвалер маса къачун патал

Ватандин ЧIехи дяведин ветеранар яша­йишдин кIвалералди таъминарун патал алай йисуз Дагъустандиз Урусатдин Гьукуматдин резервдин фондунай 22,3 миллион манат пул ахъайдайвал я. 3-апрелдиз и кар тестикьарзавай  буйругъдал  РФ-дин Гьукуматдин Председатель Михаил Мишустина къул чIугуна.

Санлай къачурла, ветеранриз кIвалер маса къачун патал уьлкведин 45 субъектдиз 352 миллион манат пул чара авунва. Пулдин такьатар сифте РФ-дин эцигунрин ва ЖКХ-дин министерстводив агакьда ва гуьгъуьнлай субъектрин арада пайда.

“Молодежь Дагестана” газетди хабар гузвайвал, Дагъустандиз ахъайнавай пул, кIва­лер Махачкъаладай маса къачуз хьайи­­тIа, гьар садан майдан 33 кв. метр тир са кIва­лин 15 квартирадиз бес жеда. Алай вахтунда рес­публикадин меркезда са квадратдин юкьван къимет 43,7 агъзур манат я. Алатай йисуз гьа ихьтин къиметдай Махач­къа­ладин администра­цияди етим аялриз кIва­лер маса къачунай.

РД-дин зегьметдин ва яшайишдин рекьяй вилик финин министерстводин пресс-къуллугъди изданидиз хабар гайивал, Да­гъустанда авай Ватандин ЧIехи дяведин вири ветеранар кIвалералди таъминарнава. Яшайишдин шартIар хъсанарунин игьтияж 15 ветерандин хендедайрихъ ава. Мукьвара абурув кIвале­рин сертификатар агакьда.

«Лезги газет» 


Всего просмотров: 49
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире