КIвалах тешкилнава

Дагъустан Республикадин Кьилин ва РД-дин образовани­динни илимдин министерстводин буйругъдалди прокуратурадин ор­ганрихъ галаз санал учебникар дуьздаказ ишлемишунал, абур алишверишдин сетра маса гун тавунал гуьзчивал тухузва. И му­­раддалди РД-дин образованидинни илимдин министерстводи учебникрал  абур хуьдай голограммаяр-наклейкаяр элягъунин кIвалах тешкилнава.

Кьурагь райондин школайриз 7 агъзур ктаб ахъайнава. И кIва­лахди районда ктабар бес тахьунин месэла арадай акъудда. 4-февралдиз РФ-дин ва РД-дин гьукуматрин резервдин фондарин такьатрихъ къачунвай учебникар ахъайдайла, Кьурагь райондин кьил Замир Азизован председателвилик квай махсус комиссияди кIвалах кьиле тухвана.

Кьурагь райондин умуми образованидин идарайри ктабар кьабулдай графикдал асаслу яз, учебникар хкягъунин ва голограммайрин наклейкаяр алкIурунин мураддалди учебникар  Кьурагьрин сад ва кьвед лагьай нумрайрин юкьван школайриз пайна. И гьафтеда “Просвещение” издательстводин 5789 учебник райондин вири мектебриз ахъайда.

Ктабар хуьдай рехъ яз голограмма- наклейка алкIурунин макьсад мектебра авай ктабар маса гунин вилик пад кьаз ала­хъун я.

1-классдин “Лезги чIал” учебникрал сифтегьан  наклейкаяр Кьурагь райондин кьилин заместитель Махач Хариева, РД-дин образованидин ва илимдин министерстводай  атанвай куратор Н.Вагьабова, Каспийск шегьерда авай РД-дин “VIII жуьредин  махсус (коррекционный) аялрин кIвал” ГКОУ-дин директор К.Къадималиева, райондин образованидин отделдин начальник Рамазан Катибова, Кьурагьрин 1-нумрадин юкьван школадин директор Гьамид Мисриева алкIурна.

Алван Рамазанова


Всего просмотров: 32

Читайте также: