Къир цада

“ЛукIар-Ярукьвалар” шегьреда къир цунин кIвалахар давам жезва. Идан гьакъиндай “Лезги газетдиз” Мегьарамдхуьруьн райондин пресс-къуллугъди хабар гана. И шегьре туькIуьрунин месэла сифтедилай кьилинбурукай сад яз гьисабнавай. ГьикI лагьайтIа, 3,8 километр яргъивал алай и рекьи Кеферпатан Дагъустандай, Махачкъала, Дербент шегьеррай ва республикадин кьиблепатай “Ялама” таможенный постунал фидай рехъ куьруь ва вахт хейлин тIимиларда.

Са шакни алачиз, им неинки Мегьарамдхуьруьн райондин агьалияр патал яшайишдинни экономикадин метлеб авай, гьакIни вири чи регион ва сергьятдилай яна къунши регионриз ва уьлквейриз физвай Россиядин областрин, крайрин, къецепатан уьлквейрин гзаф кьадар мугьманар патални еке метлеб авай объект я.

РикIел хкин, шегьре “Дагъустан Респуб­ли­кадин муниципалитетрин ва чкадин метлеб­ авай автомобилрин рекьер вилик тухун” госпрог­раммадин сергьятра аваз туькIуьр­за­вайди я.

Шегьре алай йисан ноябрдиз ишлемишиз вахкудайвал я.

«Лезги газет»


Всего просмотров: 29

Читайте также: