Къиметрин кьадарар артух хьанва

Республикадин тарифриз талукь идаради  (РСТ)  1-июлдилай  коммунальный къуллугърай агьалийри гудай гьакъийрин кьадарар хкаж хьанвайдакай хабар гана. Идарадин чешмеди къейдзавайвал, санлай къачурла, хкаж хьанвай кьадар 5,2 процентдилай артух туш.  

Газдин плитаяр авай кIвалера яшамиш жезвай шегьерэгьлияр патал электроэнергиядин киловаттдин къимет 2 манатни 70 кепекдикай ибарат я (НДС-ни кваз).

Хуьрера, гьакIни тайинарнавай къайдада электроплитайралди, электричестводин чими ийидай затIаралди тадаракламишнавай шегьерэгьлийрин кIвалерани электроэнергиядин киловаттдин къиметдин кьадар 1 манатни 89 кепекдикай ибарат я.

Цин къимет — 3,7 процентдилай, кIвалер чими авунин (отопление) — 4,6 процентдилай, авахьна хъфизвай цин — 4,3 процентдилай артух хкаж хьанвач. Зирзибилар тухунай гузвай гьакъидин кьадар 2,8 процентдин хкаж хьанва.

2020-йисан коммунальный къуллугърин кьадаррин дегишвилер алатай йисан 29-октябрдиз Россиядин гьукуматдин къарардалди тайинарна.

«Лезги газет»


Всего просмотров: 69
Подпишитесь на наши каналы:

Читайте также:


Новости партнеров