Ким хъуьрезва

Вун бахтавар кас я

Дуьньядин крар виликамаз аян жезвай арифдардиз пачагьди вичин патав эверда ва вичин кьисметдикай, гележегдикай хабар гун истемишда.

— Пачагь, вун сагърай! — лугьу­да аяндарди, — заз аквазвайвал, ви­ри мукьва-кьилияр сад-садан гуьгъуьналлаз рекьида, анжах вун амукьда­.

— Вири кьейила зун квез я кьван? — хъел къведа пачагьдиз.- Ягъ адан гардан! — эмирда пачагьди вичин нуькверриз. — И ламран хциз чизвай са затIни авайди туш.

Эверда хуьруьн жемятдин арада арифдар яз гьисабзавай кьуьзеказ. Суалдин ван хьайила, ада лугьуда:

— Вун пара бахтавар кас я, гьуьрметлу пачагь, вун ви мукьва-кьилийрилай гуьгъуьниз ре­кьида.

— Мумкин кар я, — разивалда па­чагьди. — Вун халисан аяндар я. Къизиларни вахкана итимвилелди рекье хтур и акьуллу кас, — буйругъ хъувуна ада нуькверризни.

Са комбайн

Корреспондентди виликан совхоздин, гилан МУП-дин ди­ректордихъ галаз  суьгь­бетзава. Майишат михьиз чкIидай гьалдиз атанвай­тIани, кас ге­ле­жегдихъ лап инанмиш яз ­ра­­хазвай.

— Чахъ мехпаркни ама гьа,- лагьана ада дамах гваз.

— Ана квез вуч техника ама?- жузуна кардин гъавурда авай журналистди.

— Сагъ са комбайн.

Гьиниз катзава?

Катна физвай Худа-Верди акурла, Чуьхвер Магьсуда гьарайна:

— Яда, я кас, вуна акI гьиниз тади ийизва эхир? Хьайи кар-мар авани?

— Ой, Чуьхвер Магьсуд, ам ви иштягьдив кьадай кар туш. Туьквен­дихъ са машин ацIай эрекьар хканвалда. Путулка цIуд манатдай гузвалда.

— ЦIуд манатдай?!

— Эхь, е, гьакI лугьузвай.

— Я бейниван, цIуд манатдай гудай эрекьар авайди яни? Ричал яд цIувад манатдай хьайи­ла?­

— Гузва, гузва. Мегьтиди пуд ящик къачуна гваз хтана.

— На шумуд къачудайвал я?

— Зун адалай гуьгъуьна акъваздач кьван, кьуд ящик. Мад ихьтин ара, бажагьат, гьалт хъийида.

— ЯтIа, кат, Худа, тади ая а зегь­римарар къачуз, ваз ми­ресри­ сур атIудай югъ мукьвал ийиз.

Нариман Ибрагьимов


Всего просмотров: 95

Читайте также: