Киле

Киле ва зирба

Бубайрин яшайишдай

Киле алцумдай уьлчме я. Сив хуьнин варз закятуль-фитр (зеэр — Рамазандин варз) акьалтI­­­­­дай­ла, мусурманри садакьа, асул гьисабдай — къуьл) киледалди гузвай. Киледа тахминан 3 килограммдив агакьна техил гьакьзавай. Зеэрин кьадар лагьайтIа, 2 килограммни 750 грамм я.

Сулейман-Стальский райондин Ичинрин хуьруьн имам, арабист Ариф Рустамован гафаралди, киледин куьмекдалди бубайрин девирра техилни буржуна вугузвай.

Зирба

Зирбади (бязи хуьрера гуьрба лу­гьуда) чи чIехи бубайрин яша­йишда кье­тIен чка кьазвай. Гьамни алцумдай уьлчмейрик акатзава. Зирба пай лагьай­ чIал я. Кьве зирбади са рипе тешкилзава. Са рипе ла­­­гьайтIа, 28 килограммдиз барабар я. Вилик девирра чилер пайдайла, чи йикъара хьиз, сотыхрин кьадардиз килигна гузвачир. Чилин­ кьадар гьикьван­ ятIа, рипедин­, зирбадин куьмекдалди тайинарзавай. Тумар цадай чIавуз чилиз шу­муд рипе ва я зирба техил физватIа килигзавай ва абурун кьадардалди чилин кьадарни гьикьван ятIа чир жезвай. Са гафуналди, зирба чилни алцумзавай уьлчмейрикай, алатрикай сад тир.

Агьмед Магьмудов


Всего просмотров: 102

Читайте также: