КичIевал акатмир!

ЦIайлапанар ягъиз, цаву гугрумар ийиз, марфадин тIурфан авайла, чуьлда, рекье авай инсанри далда, я туш хьи мукъаят чка жагъуриз алахъда. Сабурлубуру тIебиатдин вакъиадихъ галаз гьуьжетдач, бала алатайла вичин кар, рехъ давамарда, кьабу­лай къарар гьахълу хьайиди кьа­тIуда.

КIанзни-такIанз къе гзафбурун мецел коронавирус, манат, доллар, чIулав нафтIадин къиметрин дяве ва гзаф маса гафар ала. ГьикI лагьайтIа, доллардинни манатдин арада авай фаркь садлагьана гзаф хьайила, гьар са касди  четин юкъуз герек къведа лагьана кIватIалнавай пулунин менфятлувилиз  хабарни авачиз чIурукIа таъсир ийизва, шейэрин къиметар хкаж жезва. Пулунин иеси пул къуватдай ават тавун патал чарасуз серенжемар кьабулдай чкадал гъизва, руьгьдик къалабулух кутазва.

Гьелбетда, кризисдин вахтунда,садавайни жедай кIвалах виликамаз лугьуз жедач. Четин арада вуч авуна­ виже къведач? Вад йис идалай вилик за жуван кьилел атай, уьмуьрда герек къведай ихтилат ийида.

2015-йисузни доллар 85-100 ма­нат­ жеда лугьудай ихтилатар пресса­да гзаф ийизвай. За жував гвай пулунихъ 75 манатдай доллар къачуна,­ умуд­ гьич тахьайтIа пул хуьник квай. Нетижада доллар югъ-къандавай агъуз­ аватна, чара тахьайла алай йи­­сан­­ февралдиз 64 манатдай вахкана­, жу­ваз 2 жунгав къачудай зарар га­на.­

Макъала кхьинин себеб ам я хьи, гъавурдик квачиз, цава авай чIехи къушарихъ калтугмир, куь авай тIи­милдак берекат акатрай!

Гь.Гьуьсейнов,

Белиж


Всего просмотров: 126
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире