«Кьиблепатан Дагъустандин Кубок»

Спортдин азаддаказ кьуршахар кьунин жуьре жегьилрин арада машгьур авунин ва и рекьяй абурун устадвал хкажунин мураддалди Кьурагь райондин Кьепlиррин СОШ-да «Кьиблепатан Дагъустандин Кубок» лишандик кваз акъажунар кьиле фена.

Райондин физкультурадинни спортдин ва жегьилрин крарин рекьяй отделди тешкилайакъажунар 24 килограммдилай 42 килограммдал кьван заланвай авайбурун арада кьиле фена. Ана Хив, Агъа-Стlалрин, Сардархуьруьн, Кьурагь, Кьепlир, Кlири ва Аламише хуьрерин дестейри, санлай къачурла, 60 жегьил спортсменди иштиракна.

Заланвилин 8 категориядай кьиле фейи акъажунрин нетижаяр ихьтинбур хьана:

24кг – 1. Гьабибуллаев Икрам (Сулейман-Стальский р-н). 2. Сефералиев Сейфудин (Кьурагь) 3. Катибов Жафар (Кьурагь).
26кг – 1. Халикьов Эльдар (Кьепlир). 2. Мурсалов Эльдар (Кьепlир). 3. Амрахов Амир (Кьурагь).
28кг – 1.Кельбалиев Назим (Сулейман-Стальский р-н). 2. Ражабов Багьадин (Кьурагь). 3. Жабраилов Шагьабудин (Кьепlир).
30кг – 1. Гьабибуллаев Эльдар (Сулейман-Стальский р-н). 2. Османов Саид (Кьепlир). 3. Гьуьсейханов Сейфулагь (Сулейман-Стальский р-н).
32кг – 1. Гьажибалаев Къурбан (Кьепlир). 2. Шабанов Гьуьсейн (Сулейман-Стальский р-н). 3. Гьажибалаев Анвар (Кьепlир).
35кг – 1. Алискеров Рагьим (Сулейман-Стальский р-н). 2. Мусаев Кемран (Кьурагь). 3. Гьашимов Ибрагьим (Хив)
38кг – 1. Гьасанов Сабир (Сулейман-Стальский р-н). 2. Тагьиров Али (Кьурагь). 3. Ражабов Бахтияр (Кьурагь).
42кг – 1. Жаватов Рамазан (Сулейман-Стальский р-н).2. Алимерзоев Эмран (Кьепlир). 3. Тагьиров Асвар (Кьурагь).

Абур вири медалралди, грамотайралди ва къиметлу пишкешралди къейдна. Мадни Кьепlир хуьруьн администрациядин кьил Азедин Къазиева ва Кьурагь райондин казначействодин отделдин начальник Далгат Гьасанова кьилдин пуд приз тешкилна.

Дестеди санлай 1-чка кьунай Агъа-Стlалрин тренер Спартак Мегьамедовни медалдалди ва къиметлу пишкешдалди къейдна.

Къиметлу пишкеш Кьепlир хуьруьн дестедин тренер Амиль Шигьрагьимовавни вахкана.

Шад гьалара медалар ва пишкешар вахкунин мярекатдал физкультурадинни спортдин ва жегьилрин крарин рекьяй отделдин начальник Рамиз Рамизова акъажунра гъалиб хьайибур ва хъсан чкаяр къазанмишайбур тебрикна ва гележегдани агалкьунар хьун алхишна.

«Лезги газет»


Всего просмотров: 62

Читайте также: