Кьиблепатан Дагъустанда лезги чIалай олимпиада кьиле тухуда

24-мартдиз, экуьнин сятдин 11-даз, Сулейман-Стальский райондин Эминхуьруьн юкьван мектебда 9-классра кIелзавай аялрин арада лезги чIалайни литературадай олимпиада кьиле фида. Ам Сулейман-Сталь­ский райондин администрациядин куьмекдалди “Лезги газетдин” редакцияди ва мергьяматлувилин “ЛЕКИ” фондуни тешкилзава.

Мярекатда хуьрерин, шегьеррин гьар са мектебдай анжах са ученикдивай иштиракиз жеда.

КIвалахриз баллралди къимет гудайвал я. Сифтегьан вад чка кьурбуруз 15, 10, 8, 5, 4 агъзур манатдин кьадарда аваз пулдин премияр гуда.

Идалайни гъейри, гъалибчийрив “Лезги газетдин” редакцияди ва “ЛЕКИ” фондуни грамотаярни пишкешар вахкуда.

Олимпиададиз талукь суалрин патахъай и нумрайриз зенг ийиз жеда:   8-928-584-16-72; 8-967-7777-320.

«Лезги газет»


Всего просмотров: 79
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире