Кьезил атлетикадай акъажунар…

И йикъара Сулейман-Стальский райондин Курхуьруьн М.Рагьимован тIварунихъ галай 1-нумрадин мектебда, райондин 90 йисан юбилейдиз талукьарна, мектебра кIелзавайбурун арада кьезил атлетикадай турнир кьиле фена. Идакай «Лезги газетдиз» райадминистрациядин пресс-къуллугъди хабар гана.

Спорт, кьезил атлетика ва сагълам уьмуьр жегьилрин арада машгьурунин макьсаддалди тешкилай мярекатда райондин ирид мектебдин командади иштиракна.

Акъажунра аялри чпин викIегьвални зирингвал къалурна. Нетижада Курхуьруьн М.Рагьимован тIварунихъ галай 1-нумрадин мектебдин команда виридалайни викIегь хьана. Кьвед ва пуд лагьай чкаяр Саидхуьруьн ва Курхуьруьн 2-нумрадин мектебрин командайри кьуна. Тафаватлу хьайи командайриз кубокар, дипломар гана.

Къейд ийин, кьиле фейи турнирдин тешкилатчи Сулейман-Стальский райондин спортдин, туризмдин ва жегьилрин крарин комитет тир.

«Лезги газет»


Всего просмотров: 18

Читайте также: