Кьегьал цицIигъви

Гьажимурадов  Мегьамед­рауф Ватандин ЧIехи дяведин ­иштиракчийрикай сад тир.  Ам 1906-йисан 5-майдиз Ци­цIигърин хуьре дидедиз хьана. Ви­ри хуьруьнвияр хьиз, амни уьмуьрдин четинвилериз дурум гуз, вичин югъ няни авунал машгъул тир.

Вахт атайла, адаз армиядин жергейриз эвер гана. Ам гуржийрин 414 -нумрадин стрелковый дивизиядиз акъатна.

1941-йисан июлдилай 1944-йисан августдалди военный тупарин командирдин заместителвиле, ах­па 516-нумрадин артиллериядин полкуна 1946-йисан январдалди къуллугъна.

Дяведин рехъ Гьажимурадов Мегьамедрауфа Керчь шегьер немсерикай азад ийизвай женгера иштиракунилай башламишна.

Керчь азад авурдалай гуьгъуьниз Мегьамедрауфа къуллугъзавай подразделенияр Москва ­ше­гьер галай патахъ элкъуьрна. Къизгъин женгера иштиракиз-иштиракиз,  ­сер­жант Берлиндиз кьван фена. Дяве куьтягь хьайила, Гьа­жи­му­радов Мегьа­медрауф хайи ерийрал хтана.

М.Гьажимурадов Ватандин дяведин ордендиз, “Кавказ душмандикай хуьнай”, “Германиядин винел гъалиб хьунай”, “Жуьр­этлувиляй” медалриз лайихлу хьана.

Гьажимурадов Мегьамедрауфа дяведилай гуьгъуьниз Бакуда нафт хкудунин рекьяй­ курсар куьтягьна ва гьа и рекьяй кIвалахна.

Дяведин ветеран 1995-йисан    9-декабрдиз рагьметдиз фена. Ам Ци­цIигърин хуьр эвичI­навай Агъа СтIал-Къазмайрин сурара кучук­нава.

Тегъи  Мегьамедов


Всего просмотров: 48
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире