Камалдин ибараяр

Я эллер, куьн жемир авам,

Къачу вили-виликди кам.

Кьуьчхуьр  САИД

 Къекъвезвайдаз жагъида гьахъ,

Вун бахтунин рекье хьухь.

Куьре  МЕЛИК

 Ламра маса гуда азадвал, на адаз са газар гайитIа.

Алкьвадар  ГЬАСАН

 Садлагьана атайла хъел,

ЧIурмир вуна масадаз пел.

ЖАМИДИН

 Къизилди хьиз нур гудай сарубугъда къуьлуьк ара-бир чIулав суьрмени жеда.

Зияудин  ЭФЕНДИЕВ

 Гьа хайи йикъалай башламишна, инсанди вичин сур галайнихъди гьерекатзава.

Расим ГЬАЖИ

 Регьятвилиз, архайинвилиз кьил ягъун пис кар я.

Буба  ГЬАЖИКЪУЛИЕВ

 Шаирдин келима хьайила керчек, элкъведа эллерин манидиз гуьрчег.

Азиз  АЛЕМ

 ТуькIуьзвач къе са кIвалахни

Таб галачиз.

Муграгъ  САЛАХЪ

 Мукай акъатай шарагри кьилди лув гуда.

Эседуллагь  НАВРУЗБЕГОВ

КIватIайди — Куругъли Къалажухви


Всего просмотров: 21

Читайте также: