Камалдин ибараяр

КIалхандай мез атIайтIани пачагьри,

Хурай чIалар рахада чеб къуччагърин.

Куьре  МЕЛИК

 Кесиб кас хьайитIа вели,

Хьанваз гьисабда ам дели.

Ахцегь  ГЬАЖИ

 Тапаррал гьикьван гуьрчег парталар алукIайтIани, гьа­къи­къат эхир хкис жеда.

Зияудин  ЭФЕНДИЕВ

 Инсанар, абурун тебятар гьава хьиз я: гагь чими жеда, гагь — серин.

Агьед  АГЪАЕВ

 Лекьре женгина жуьрэтлувал квадардач.

Алирза  САИДОВ

 Пешедал рикI алаз кIвалах­дайла, инсан галатдач лугьуда.­

Мурадхан  ШИХВЕРДИЕВ

 Зияндиз зиян хгун, писвилиз — писвал хъувун им са цек­ве­рин ваъ, тIебиатдин къанун я.

Шамсудин  ИСАЕВ

 Къудурвилихъ эхир ава — яхцIур югъ.

Агъалар ИСМАИЛОВ

 Меци инсан гуьрчегни ийида, абурсузни.

Назир МИРЗОЕВ

 Девирдин хумаяр гила гзаф хьанва, дарманар — тIи­мил.

Мердали  ЖАЛИЛОВ

 РикI михьи кас, кьепIинамаз къелем гвай,

Вун къанихдан туьтуьнавай кIараб я.

Пакизат ФАТУЛЛАЕВА

 Цавай фидай къуш кIанида

Чил храна кIанда чилел.

Максим  АЛИМОВ

 Хаинриз тек-туьк кIус вегьин — им фадлай виринра авай адет я.

Азиз  МИРЗАБЕГОВ

 Уьмуьрдин дад чир хьун патал сифтедай

Магьрумвилер акван герек — хифетар.

Халидин  ЭЛЬДАРОВ

Ката, инсан, гьарам ава ришветда,

ЧкIида кIвал нисин ацIай береда.­

Зерифа  КЬАСУМОВА

 КIватIайди  — К.Къалажухви


Всего просмотров: 37

Читайте также: