Камалдин ибараяр

КIанивилин лувари инсандив цавун бушлухарни гьуьлуьн деринар табий ийиз тада.

Гьажи  ГАШАРОВ

МискIиндава накьан угъри,

Арсузда вич къалаз дугъри.

Фейзудин  НАГЪИЕВ

Нугъатар галачир чIал, кIамар галачир вацI хьиз, фад кьурада.

Пакизат  ФАТУЛЛАЕВА

Авачирдаз алакьун

Виже къведач алахъун.

Арбен  КЪАРДАШ

Кесибвилерикай виридакай анжах руьгьдин кесибвал айибвал я.

Майрудин  БАБАХАНОВ

Къени тара емиш гъидач дад цуру.

Максим  АЛИМОВ

Им ришветчийрин макан хьанвай гьукумат я, кIус таганмаз, са карни кьилиз акъат тийидай.

Мукаил  АГЬМЕДОВ

Гишиндакай тух касдиз жез­вачтIа, дуст, хабар,

Ава лагьай чIал я девирдихъ  нукьсанар самбар.

Майил  ЭФЕНДИЕВ

ТIуьр фу квадар тавунихъ ва весияр кьилиз акъудунихъ еке метлеб ава.

Мирземет  САЛМАНОВ

КIватIайди — К.Къалажухви


Всего просмотров: 14

Читайте также: