Къадир Рамазанов рикIел хкана

КЪАДИР РАМАЗАНОВАН — 90 ЙИС

6-декабрдиз Мегьарамдхуьруьн райондин Гъепцегьрин хуьруьн культурадин кIвале лезгийрин шаир Къадир Рамазанов рикIел хкунин межлис кьиле фена.

Чи халкьдин гзаф манийрин чIаларин автордин, милли культура вилик финик еке пай кутур шаирдин 90 йис тамам хьуниз талукьарнавай мярекатдиз хуьруьнвияр, багърияр ва шаирдин яратмишунрал рикI алай инсанар атанвай.

Шииратдин межлис дидед чIалан муаллим Рутмина Бабаевади ачухна ва кьилени тухвана. РД-дин культурадин лайихлу работник Изам Улубегова, «Куьредин ярар» культурадин центрадин векил, Кьасумхуьруьн телевиденидин мухбир и цIарарин авторди, муаллимри, шаирри Къадир Рамазанов рикIел хкана, адан шиирар кIелна, чIалариз кхьенвай манияр лагьана, кьуьлер авуна.

Шаирдин руш Бахтавар Гьажиевади ва чIехи хва Новруз Рамазанова кIватI хьанвайбуруз ва мярекат тешкилайбуруз сагърай лагьана.

Мизамудин Магьмудов


Всего просмотров: 235
Подпишитесь на наши каналы:

Читайте также:


Новости партнеров