Хуьруьн кIвенкIвечивал патал

И йикъара Ахцегьа кардик квай А.Гъаниеван тIварцIихъ галай ДЮСШ-да 2002-йисуз дидедиз хьайи ва адалайни жаван спортсменрин арада азаддиз кьуршахар кьунай Ахцегь хуьруьн кIвенкIвечивал патал акъажунар кьиле фена. Идакай «Лезги газетдиз» райадминистрациядин пресс-къуллугъди хабар гузва.

Эфендиев Низами Бегбубаевичан призар къачун патал кьиле фейи акъажунар тешкилайбур Ахцегь хуьруьн администрация ва А.Гъаниеван тIварцIихъ галай ДЮСШ-дин руководство я. Акъажунра Ахцегь райондин 120 школьникди иштиракна.

Турнир ачухунин мярекатдал тебрикдин гафар хуьруьн кьил Низами Эфендиева лагьана. Ада къейд авурвал, жегьилрин арада спорт машгьурунин мураддалди гьар йисуз акъажунар кьиле тухузва. Ада вири иштиракчийриз агалкьунар хьун алхишна.

«Лезги газет»


Всего просмотров: 26

Читайте также: