Хсуси чил багъишна

Мергьяматлувал

Чи районрин хуьрерин агьалийрин арада спортдин таблигъат тухунин макьсаддалди тешкилзава­й крар давам жезва. Хъсан крар кьилиз акъудуник мергьяматлувилелди чпин пай кутазвай ватанэгьлиярни тIимил авач. 

Сулейман-Стальский райондин официальный чешмеди хабар гайивал, мукьвара Кьасумхуьруьн магьалрикай сана спортдин майдан туькIуьрун па­тал чкадин агьали Назир Абдулгьамидова вичин хсуси участок чара авуна.

Къейд ийин, воркаут-майданар алай вахтунда чи гзаф хуьрера арадал гъанва ва и крар йигин еришралди давамни жезва. “Райондин юбилейдиз — 90 регьимлу кар” лишандик кваз, Сулейман-Сталь­ский районда агьалийрин сагъламвал патал менфятлу серенжемар кьабулуниз ва маса крар тамамаруниз хейлин ватанэгьлийри чпин хушуналди шериквалзава.

“Демография”, “Спорт уьмуьрдин къайда я” проектар кьилиз акъудунин сергьятра аваз арадал гъайи майдан куьчедал спортдал машгъул жедай тадаракралди таъминарнава.

Вичин чилин чIук (100 квадратдин метр) жемят­диз савкьат яз гуналди,  регьимдин кар кьилиз акъу­дай райондин ЦЗН-дин директор Н. Абдулгьамидо­валай райондин кьиле авайбуруни, агьалийрини  разивалзава.

«Лезги газет»


Всего просмотров: 77
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире