Хъархъун тарарин чIехи багъ

РД-дин хуьруьн майишатдин ва недай суьрсетдин министерстводин пресс-къуллугъди хабар гайивал, Сулейман-Стальский районда 200 гектардин майданда хъархъун тарарин чIехи багъ кутазва.

И йикъара райондин сергьятра багъманчивал вилик физвай гьалдихъ галаз РД-дин хуьруьн майишатдин ва недай суьрсетдин министрдин заместитель Шарип Шарипов таниш хьана.

Сулейман-Стальский районда багъманчивилин хел фадлай машгьур я. И рекьяй хъсан тежриба къалуруналди, республикада хуьруьн майишатдин хел вилик финик, агалкьунар къазанмишуник районди метлеблу пай кутунва ва и кар давамарзава.

“Шад жедай кар я, эхиримжи йисара районда хуьруьн майишатдин хел цIийи кьилелай кIвачел ахкьалтзава, ина республика патал лишанлу проектар кьилиз акъудзава”, — кхьизва чешмеди.

Гьелелиг 65 гектарда къелемар цанва. Йисан эхирдалди “Зардиян” ООО-ди багъдин майдан 105 гектардив агакьардайвал я. Гележегда багъдин майдан 200 гектардив агакьда.

«Лезги газет»


Всего просмотров: 91
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире