Халкьдин кьегьал руш

Менафова  Асия  Сердеровна 1941-йисан 3-январдиз КцIар районда дидедиз хьана. Ина юкьван школа куьтягьай руш Азербайжандин химия­дин институтдик экечIна. Идалай гуь­гъуьниз ада Москвадин общест­вен­ный илимрин академия акьал­тIарна. Жегьил пешекарди техникадин илимринни ахтармишунардай институтда кIвалахиз гатIунна.

1969-йисуз А.Менафова КцIа­рин эпидомологиядин станцияда инженервилинни химиядин лабораториядин заведующийвиле тайинарна. Алакьунар авай дишегьли 1974-йисуз КПСС-дин КцIар райкомдин кьвед лагьай секретарвиле хкяна. Тежриба кIватIай коммунист Азербайжан ССР-дин Масалинский райкомдин сад лагьай секретарвиле хкяна. 1990-йисуз адакай КПСС-дин КцIар райкомдин сад лагьай секре­тарь хьана. СССР чкIай йисуз ам гьа райондин администрациядин кьиле акъвазна.

1992-йисуз А.Менафова Азербайжан Республикадин яша­йишдин рекьяй хуьдай ва зегьметдин министерстводиз отделдин­ начальниквилин къуллугъдал хутахна. Ам кьве сеферда АР-дин­ Милли межлисдиз депутатвиле хкяна.

Баркаллувилин ордендин сагьиб тир Асия Сердеровнади са шу­муд йисуз Белоруссияда Азербайжан Республикадин полномочный векилдин советник яз кIвалахна. Алай вахтунда Бакуда яша­миш жезва.

А.Агьмедагъаев


Всего просмотров: 89

Читайте также: