Хайи чIал

Гьар йисан 21-февралдиз чи чIехи уьлкведа дидед чIаларин Международный югъ къейдзава. Дагъустан патал им генани чIехи сувар я, гьикI хьи, чи республикада саки 30-далай гзаф чкадин милли чIалар, 120-далай гзаф нугъатар ава. Идалай чIехи девлет женни! Гьа са вахтунда чи чIалар къурхулувиликни ква: а чIаларал рахазвай агьалийрин кьадар  яваш-яваш тIимил жезва. Себебарни гзаф ава. Чкадал кIвалах, яшайишдин хъсан шартIар жагъин тийиз, чи гзаф хизанар уьлкведин гьар жуьре пипIериз акъатзава.  Милли чIаларал кIелун-кхьинни, и кардихъ галаз алакъалу яз тIимил жезва. Чун милли чIа­лар хуьникай гзаф рахазва. Несилрин гьерекатрилай, яни чIал хуьнилай гележегдин кьисметарни аслу я.

Дагъустандин халкьдин шаир Расул Гьамзатова вичин “Зи Дагъустан” ктабда кхьенва: «Буба рекьидайла, ада вичин рухвайриз ирс яз кIвал, ник,  гапур, пандур тада. Несилар хъфидайла, абуру гуьгъуьнин несилриз ирс яз чIал тазва. Нихъ чIал аватIа, ада вичиз кIвал эцигда, ник цада, гапур гатада, пандур куьпдик кутада ва адал къугъвада”. Шаирдихъ галаз рази тежедай себебар ина авач. Хайи дидед чIал инсан арадал гъизвай ва адан кьетIенвал къалурзавай асул лишан я.

Алай вахтунда социологиядин ахтармишунри къалурзавайвал,  чпивай хабарар кьур 50 касдикай 20-да чпиз хайи чIал  чидач, 3-да чеб гъавурда акьаз­ва, анжах рахазвач, 27 касдини, чпивай бубайрин чIалал ачухдиз рахаз ва кхьиз жезва лагьана жаваб ганва. И карди чав кIевелай фикириз тазва. Са шумуд 10 йисалай чахъ жуван хайи дидед чIал амукь тавуртIа, вучда? Хуьз жедани чавай и авай гьалда чи хайи чIалар?..

Бела  Ашурбегова,

ДГУ-дин филфакдин журналистикадин

отделенидин 3-курсунин студентка


Всего просмотров: 120
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире