Гьалар къизгъин жезва

Дербент шегьердин кьилин больницадин мулкарал кьетIен гьаларин режим кардик кутун мумкин я. Идакай ТАСС-диз шегьердин администрациядин векилди хабар гана.

Чешмедин малуматралди, больницадин дараматар Росгвардиядин къуллугъчийрин гуьзчивилик кутада. КьетIен гьаларин режим кардик  кутун шегьерда коронавирус ва стIалжем акатзавайбурун кьадар къвердавай артух хьунихъ галаз алакъалу я.

Са шумуд югъ идалай вилик Дербентдин мэр Хизри Абакарова­ тIугъвалдин вилик пад кьун патал шегьерда кьабулзавай серенжемриз талукьарнавай совещание кьиле тухвана. Х.Абакарован заместитель Заур Эминова хабар гайивал, шегьердиз коронавирус чукIурай чешмейрикай сад кьилин больница я. Вични, азар акатнавайбур духтуррихъ галаз алакъада хьунин нетижада.

“Медицинадин къуллугъчияр вахтунда тIугъвалдикай хуьдай махсус парталралди таъминарнавачир ва и кар себеб яз духтурарни азарлу хьана”, — лагьана Заур Эминова.

Ада гьакIни къейд авурвал, 30-мартдилай 15-майдалди Дербентдин кьилин больницадиз коронавирус ва стIалжем акатнавай 550 кас агакьарна. Асул гьисабдай, абур Дербент шегьердин, райондин ва Мегьарамдхуьруьн райондин агьалияр я. Лабораторийрин ахтармишунар кьиле тухвайдалай кьулухъ абурукай 478 касдик — стIалжем, 52 касдик коронавирус квайди тайин хьана. Гьа и девирда азарханада 50 кас телеф хьана (48 — стIалжемдик, 2 — коронавирусдик).

* * *

РД-дин Роспотребнадзордин делилралди, 20-майдиз Да­гъустанда коронавирус акатнавайбурун кьадар 3643-дав агакьнава. Гьа са вахтунда духтуррилай начагъ хьанвай 2266 кас сагъар хъийиз алакьнава. Санлай къачурла, республикада 38722 кас ахтармишнава. 4414 кас лагьайтIа, карантиндал ала. Коронавирусди республикада 36 кас кьенва.

«Лезги газет»

 


Всего просмотров: 82
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире