Гьаким Къурбанан мад са роман

И йикъара Дагъустандин ктабрин чапханада тlвар-ван авай писатель Гьаким Къурбанан «Зуьгьре гъед»  тlвар алай цlийи роман чапдай акъатна. Гьикаятчидин нубатдин эсер алай аямдин девирдиз талукь я. Романда 20-асирдин кьвед лагьай паюнилай эгечlна чи уьлкведа авай гьаларикай ихтилат физва. Романдин кьилин игитар Загьир ва адан паб Зуьгьре я. Кlелчидиз лезги халкьдин тарихдикай, адетрикай итижлу делиларни чир жеда.

Къейд ийин, халкьдин рикl алай писателди алай йисуз вичин 80 йисан юбилей къейд ийида.

Гьаким Къурбан 11 романдин: «Ирид чин алай хуьр», «Къилинж Къемер», «Гьай тахьай гьарай», «Ракъинин муг», «Яру мяден» ва масабурун автор я.

Писателди алай вахтундани галатун тийижиз бегьерлудаказ гьикаятдин кlвалах давамарзава. Гьикаятдилай гъейри, ам илимдал, методикадал, фольклордал… датlана машгъул я.

«Лезги газет»

 


Всего просмотров: 24

Читайте также: