Гь.Гь.Жигеров

Мукьвара чав залан хабар агакьна: яргъал йисара Сулейман-Стальский райондин Эминхуьруьн юкьван мектебда урус чIалан муаллим яз кIвалахай Гьажимирзе Гьажимисриевич Жигеров рагьметдиз фена.

Гь.Гь.Жигеров 1938-йисан 12-январдиз Сулейман-Стальский райондин виликан Кьианрин хуьре дидедиз хьана. 1952-йисуз Хутаргърин 7 йисан мектеб акьалтIарайдалай кьулухъ ада кIе­лунар Дербентдин педучилищеда давамарна. Училище куьтягьайдалай гуьгъуьниз Гь.Гь. ­Жи­герова са йисуз Бигеррин ва Хутаргърин мектебра гъвечIи классрин муаллим яз кIвалахна.

Жегьил пешекардиз вичихъ авай чирвилерин сергьятар мадни гегьеншариз кIанзавай. Гьа ихьтин къастуни ам 1957-йисуз Дагъустандин госуниверситетдин филологиядин факультетдин урус ва Дагъустандин чIаларин отделенидиз гъана. Кьилин образование къачур муаллим элкъвена Хутаргърин хуьруьн мектебдиз хтана, 1965-йисалай директордин везифайрив эгечIна.

1979-йисуз Гь.Гь.Жигеров Аламишедин (Эминхуьр) мектебда кIвалахал акъвазна. 2012-йисалди ада ина урус чIалан му­аллим яз акьалтзавай несилриз дерин чирвилерни тербия гана.

Яргъал йисара образованидин хиле гьакъисагъвилелди зегьмет чIугунай Гь.Гь.Жигеров “Халкьдин просвещенидин отличник”, “СССР-дин просвещенидин отличник”, “РФ-дин умуми­ образованидин гьуьрметлу къуллугъчи”, “Зегьметдин ветеран” медалриз лайихлу хьана.

Чна Гьажимирзе муаллим рагьметдиз финихъ галаз ала­къа­лу яз Назим Жигероваз, хизанриз, вири багърийриз башсагълугъвал гузва. Гьажимирзе Гьажимисриевичан экуь къамат чи рикIерай акъатдач.

Мукьва-кьилияр, ярар-дустар, къуни-къуншияр


Всего просмотров: 56

Читайте также: