Финалдиз акъатнава

Жегьилрин крарин рекьяй Федеральный агентстводи го­сударстводин жегьилрин сиясатдин хилен лап хъсан къуллугъчи тайинарзавай конкурсдин заочный этапдин нетижаяр­ кьуна. Малум хьайивал, РФ-дин жуьреба-жуьре регионрай тир 60 касди гъалибвал къазанмишна. Абурун арада кьве дагъустанвини ава.

Кеферпатан Кавказдин Федеральный округдай винидихъ тIвар кьунвай конкурсдин финалдин паюна Дагъустан Республикадин жегьилрин крарин рекьяй министерстводин профилактикадин программайрин ва проектдин отделдин начальник  Фарман  Меликова  ва Дагмедуниверситетдин студентрин объединенийрихъ галаз кIвалахдай отделдин начальник Иманали Мустафаева иштиракда.

Къейд авун лазим я хьи, заочный этапдин сергьятра аваз иштиракчийри конкурсдиз жегьилрин арада кьиле тухвай  ахтармишунрин нетижаяр, “Моя профессия — молодежный работник” видеороликар ва авторвилин проектар ракъурнавай.

Конкурсдин финал 22-24-ноябрдиз Ханты-Мансийскда кьиле фида.  Ана 6 номинациядай конкурсантрин интеллектдин ва яратмишунрин алакьунар ахтармишда ва абуруз къимет гуда. Конкурсдин макьсад жегьилрин сиясат кьиле тухузвай лап хъсан къуллугъчияр жагъурун ва абуруз виликди фидай мумкинвилер, куьмекар гун я.

Финалдиз акъатнавай Фарман Меликов Сулейман-Стальский райондай я.

«Лезги газет»


Всего просмотров: 92

Читайте также: