Филерикай

Чилел яшамиш жезвай гьай­ванрикай виридалайни екеди фил яз гьисабзава. Филерихъ вирибуруз малум тушир кье­­тIен­­вилерни ава. Ингье абурукай бязи итижлу делилар:

—           Филдин са гунг 200 килограммдин заланвилиз барабар хьун мумкин я.

—           Филеривай чпин еке япарин куьмекдалди беден къуриз жезва.

—           Нек хъвадай гьайванрикай хкадариз тежезвайди анжах фил я.

—           Филдин хуртIумдихъ 40 агъзурдалай гзаф жукIумар ава.

—           Юкьван гьисабдалди, филер 60-70 йисуз яшамиш жезва.

—           22-сентябрь дуьньяда филер хуьнин югъ яз къейдзава.

—           Филериз арахисар кIандач.

—           Филдиз гьар юкъуз 300 килограмм тIуьн ва 160 литр яд герек жезва.

—           Дуьньяда кьве жуьредин филер ама: Афри­кадин ва Азиядин.

—           Азиядин филдивай вичин хуртIумда 8,5 литр яд кьаз жезва.

—           Филдин мефтI инсандиндалай 3-4 сеферда еке я.

—           Адет яз, филер гьар юкъуз 2-3 сятда ксуда.

—           Филериз чIижерихъай кичIеда.

—           Филер инсанрин гьиссерин (гъамунин, шелдин) гъавурда акьада.

—           Ракъини кун тавурай лугьуз, филери къум ва кьар ишлемишда.

—           ТIебиатда филери суткадин къене 20 сят кьван недай затI жагъуруниз серфзава.

—           ЧIехи филдин заланвал 5 тонндив агакьда.

—           Филдин бедендин яргъивилел 6-7 метр жеда.

—           Дуьньяда Африкадин филер зур миллион кьван аваз гьисабзава, Азиядинбур — тахминан 10 сеферда тIимил.

—           Филер гзаф акьуллу, дуствал кIандай гьайванар я, абуру къадим девиррилай инихъ инсанриз къуллугъзава.

—           Филер нехирралди яшамиш жезва.

«Лезги газет»


Всего просмотров: 60
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире