Фарид Агьмедова нубатдин сеферда агьалияр кьабулна

12-сентябрдиз Мегьарамдхуьруьн райондин кьил Ф. Агьмедова кьилдин месэлайрин патахъай агьалияр кьабулна. Икl, нубатдин сеферда райондин кьилин патав 13 агьали атана ва абуру жуьреба-жуьре хилериз талукь месэлайрин патахъай чпин тlалабунар лагьана.

Мегьарамдхуьруьн администрациядин пресс-къуллугъди «Лезги газетдиз» хабар гузвайвал, агьалийри авур тlалабунар, асул гьисабдай, кlвалах жагъурун патал куьмек гуниз, чилериз ва яшайишдиз талукь месэлайрихъ галаз алакъалу тир.

Эхиримжи вахтара и районда арадал атанвай тlал алай месэлайрикай сад «Моздок-Къазиагьмед» газопроводдин патав гвай кlвалер чукlуруниз талукьди я. Рйондин кьилин патав атай агьалийри гьа и месэлани къарагъарна.

Ф.Агьмедова агьалийрин бязи месэлаяр чкадал гьялна, бязи месэлайрин патахъай лагьайтlа, талукь тир жавабдар ксариз тапшуругъар гана.

Къейд ийин, агьалияр кьабулунин серенжемда райондин кьилин заместителри ва райондин администрациядин кар алай хилерин жавабдар къуллугъчийрини иштиракна.

«Лезги газет»


Всего просмотров: 24

Читайте также: