Фадлай вилив хуьзвай

11-сентябрдиз Сулейман-Стальский райондин Кьулан СтIалрин хуьре фельдшервилинни акушервилин пункт кардик акатна. Ам ачухунин мярекатда РД-дин хуьруьн майишатдин ва суьрсетдин министрдин везифаяр вахтуналди тамамарзавай Абдулмуслим Абдулмуслимова, райондин кьил Нариман Абдулмуталибова, “Дагсельхозстрой” ГКУ-дин директор Мегьамед Юсупова, “Минмелиоводхоз РД” ФГБУ-дин регьбер Залкип Къурбанова ва масабуру иштиракна.

“Хуьруьн мулкар еримлу авун” программадин сергьятра аваз эцигнавай ФАП герек тир вири тадаракралди таъмин тир акушердин, фельдшердин, терапевтдин ва процедурайрин кабинетрикай ибарат я.

2200 агьали яшамиш жезвай Кьулан СтIалрин хуьруьн жемятди ихьтин пункт ачухун фадлай вилив хуьзвай. Нариман Абдулмуталибова ФАП арадал гъунин карда иштиракай виридаз сагърай лагьана.

Чи мухбир


Всего просмотров: 67

Читайте также: