Фад агакьда

15-ноябрдилай “Россиядин почтадин” куьмекдалди ракъурзавай шейэр  авайдалай фад агакьда, хабар гузва Россиядин са жерге СМИ-ри.

ИкI, 7800 рекьяй ракъурнавай шей агакьардай цIийи вахтар тайинарнава. “Россиядин почтадин” векилдин гафарал асаслу яз, “Ведомости” газетди хабар гузвайвал, Россиядин чIехи пай агьалийрив рекье тунвай шейэр тахминан 2 йикъан вахтунда агакьда. Гьелбетда, ракъурзавай чка­дилай аслу яз,  шей рекье жедай вахт дегиш жеда ва вини кьил 8 суткадив агакьда. Мегаполисрай агьалийрин кьадар 100 агъзур касдилай виниз тушир шегьерриз ва къарши рекьерай шейэр ракъурунин  вахт 2-3 йикъалай гзаф жедач. Зур милли­ондилай гзаф инсанар яшамиш жезвай ше­г­ьеррин агьалийрив чпиз ракъурай шей гьатта са югъ алатайла агакьда.

Хабар гузвайвал, идалай вилик хейлин рекьера йигинвилин  цIийи  нормативар  2016-йисуз кардик кутунай.

“Россиядин почтадин”  гендиректордин электронный алишверишдин рекьяй за­мес­титель Алексей Скатинан гафа­ралди, ре­кье­рин схема цIийикIа туькIуьр хъу­вунин­ ва шейэр рекье жедай вахт хейлин куьруь авунин мумкинвал къурулушдиз са кьадар­ фи­нансар серф авунихъ галаз алакъалу я.

«Лезги газет»


Всего просмотров: 39

Читайте также: