Экономика «хъендикай» хкудзава

Мегьарамдхуьруьн районда талукь тир документар авачиз зегьметдал машгъулбурун кьадар тIимиларунин кIвалахар давам жезва. Райондин кьил Ф.Агьмедован тапшуругъдал асаслу яз, районда «хъендик» квай экономика дуьздал акъудунин, яни талукь тир документар авачиз са квел ятIа машгъул хьанвайбур къанундалди ихтияр ганвай гьалдиз гъунин мураддалди махсус комиссия арадал гъанва.

Тухузвай серенжемрин нетижада регистрация авачиз кIвалахзавайбур дуьздал акъудзава, абур учетда эцигзава. Санлай къачурла, комиссиядин векилри алай йисуз райондин сергьятра 40 серенжем кьиле тухванва, карчивилин 480 объект ахтармишнава. Нетижада 43 физический ксар дуьздал акъудна ва абуруз талукь тир серенжемарни кьабулна. Икьрар кутIун тавунвай 232 работникни дуьздал акъуднава. Рабочий дестеди тухвай кIвалахрин сергьятра аваз работникрин ва абуруз кIвалах гузвайбурун арада талукь тир 204 икьрар кутIунна.

«Лезги газет»  


Всего просмотров: 1601

Читайте также: