ЕГЭ-2020

Алай йисуз чи уьлкведа ЕГЭ вахкуз 3-июлдилай гатIунда. Дагъус­тан­да­ государстводин имтигьанар вахкузвайбурун кьадар 11 агъзурдалай алатда­.

Махачкъалада РД-дин Кьил Владимир Васильеван регьбервилик кваз кьиле фейи заседанидал республикадин образованидин ва илимдин мини­стр Уммупазил Омаровади хабар гайивал, имтигьанар вахкудай чIавуз хата­сузвилин вири шартIар фикирда кьун патал муниципалитетрин кьилерихъ га­лаз кIвалах тухузва. Гьазурвал акунин месэлаяр 25-июндалди акьал­тIар­дайвал я. Гуьгъуьнлай имтигьанар вахкун патал тешкилнавай шартIариз къимет гуда.

У.Омаровади къейд авурвал, республикада коронавирусдин лепе тамамдиз алат тавунвайвиляй Роспотребнадзорди тайинарнавай къайдайриз кьетIен фикир гана кIанда.

Къейд ийин хьи, алай йисуз ЕГЭ анжах вузриз гьахьдай фикирар авайбуру вахкуда. Жуьреба-жуьре себебралди июлдин вацра ЕГЭ вахкуз тахьай­бурувай имтигьанар 3, 5, 7, 8-августдиз вахкуз жеда.

«Лезги газет»


Всего просмотров: 39
Подпишитесь на наши каналы:

Читайте также:


Новости партнеров