«Дуствилин Кавказ» форумда иштиракна

Алай йисан 15-18-январдиз «Каспий» санаторийда школада кIелзавайбурун ва студентрин «Дуствилин Кавказ» форум кьиле фена.

Сулейман-Стальский райондин пресс-къуллугъди «Лезги газетдиз» хабар гузвайвал, жегьилрин мярекатда Абхазиядай, Азербайжандай, Кеферпатан Осетия-Аланиядай, Крачаево-Черкесский республикадай, Ставропольский крайдай, Ростовский областдай, Краснодарский крайдай, Калмыкиядай, Чечнядай, Дагъустандай, гьа жергедай яз Сулейман-Стальский райондин Собранидин депутат,  жегьилрин парламентдин куратор Мегьамед Алиев кьиле авай жегьилрин дестейри иштиракна. Дагъустандай республикадин  жегьилрин крарин рекьяй министр Камил Саидова, адан заместитель Патимат Омаровади, ДГИ-дин ректор Патимат Мегьамедовади, РД-дин муфтийдин заместитель Шигьабудин Гьуьсейнова ва хейлин масабуруни иштиракна.

Сулейман-Стальский райондин жегьилрин парламентдин векил Агьмед Женетова ихтилат авурвал, форум итижлуди ва менфятлуди хьана. Ада ихьтин мярекатри цIийи чирвилер гузвайди, цIийи алакъаяр арадал гъизвайди къейдна.

«Лезги газет» 


Всего просмотров: 116

Читайте также: