“Дикъет — аялар!”

Алай йисан цIуд вацра  Махачкъалада аялрин ва 18 йисал къведалди яшар хьанвай  жаванрин иштираквал аваз рекьера транспортдихъ галаз алакъалу 54 агьвалат арадал атана, нетижада са аял те­леф ва 73-дал  хирер-кьацIар хьана. Алатай йисан  и вахтунда гьа ихьтин 75 дуьшуьш арадал атанай, нетижада 4 аял телеф ва 87 аялдал  хирер-кьацIар хьанай. Статистикади къалурзавайвал,  ДТП-рин кьадар  хейлин тIимил хьана.

Аялрин ва жаванрин иштираквал аваз жезвай ДТП-рин кьадар тIимил жезвайди аквазва. Рекьера транспортдихъ галаз алакъалу яз хирер-кьацIар тахьунин ва рекьера гьерекатар авунин хатасузвал са шакни алачиз хуьнин мурадралди, Махачкъалада 2019-йисан  1-8-ноябрдиз  “Дикъет — аялар!”  серенжемдин 4-пай  кьиле ту­хузва.

ДПС-дин нарядри кьилин фикир шоферри аялар транспортдин та­кьатра аваз санай-масаниз тухунин истемишунрал амал авуниз ва яхдиз физвайбуруз гуда. Махачкъалада авай Россиядин ОГИБДД-дин УМВД-дин къуллугъчийри аялар санай-масаниз туху­дай къайдаяр чIурай дуьшуьшар чирун патал серенжемар кьабулда.

Махачкъала шегьерда авай Россиядин ОГИБДД-дин УМВД-дин къуллугъчийри вири шоферриз рекьера къекъуьнин къайдаяр чIуру­низ рехъ тагуниз ва иллаки чирвилер гудай идарайрин патарив гвай ре­кьера жезмай кьван дикъетлу хьуниз  эвер гузва.

Гьажимурад Гьафизов,

Махачкъала шегьерда авай Россиядин ОГИБДД-дин

УМВД-дин пропагандадин инспектор, полициядин ст.лейтенант

 


Всего просмотров: 36

Читайте также: